قدها وقدود
ايا برودك لا بعد تسأل اذا اني اشتقتـــــــلك
لو تطلع لسابع سما وتنزل تحت ماعـــــــــود
صدقني ما اقصد اذا مشتاق مره قلتـــــــــلك
اصلا انا لو اطري اسمك.. منــته المقصــــود
لاتظن اهلّـي بالزهر .. بالشوك انا بستقـــبلك
ياخي انته لونه فيك دم ما كنت لي بتـــــــعود
بس لولا خوفي من عظيمٍ ولا ودّي اقتـلك
مو هذا حد اللي قتل روحي ..وشرعي احدود
من زود كرهي لو اشوف ابليس والله اتخّيلك
ابليس لو يدري ابفعالك صار لك معبــــــــود
راجع بدمع الذل تطلبني بحسن آآعامـــــــلك
لا ماطلبت..آمر.. وعد منّي ليالٍ ســـــود
رفجه لربّك من يديد انْ معرفوا يربوا هلك
واعلمك ان الغدر بين البدو .. مـنــقــــــــــود
وانته برجلك جيتـنــي.. ولاّنا مابا قابــــــــلك
يعنـي اخـْلصت كل الدروب اتجي لدرَب مسدود
أصلا انا كنت انتظر فرصه واردّ الدين لك
اقرب عيوني اقرب تـــرا كل شي لك مردود
توعدني ابدنية فرح بس تبغي قلبي يرد لــك
يا لعنوبها دنيتك يالعنبــــــوها وعــــــــــــود
لو تدري بللي فخاطري اليوم جيت آبهــــدلك
ودي انا اهديك االجفا ..لا وابكرم وابجـــــود
وْمثل مانا فوووق ودّيتك.. بعرف آآنـــــزّلك
عهدن لخلّي البسمه في دنياك شي مفقـــــوود
والله لّذلك لين ماحدك انا لا اوصـــــــــــــلّك
عليك انادي..اتقول حاضر وسمعك واتجاهلك
بهتم فيك واوّل ما تطمن دقايق .. بهملك
تبني امل وتشوفه.. تلقى الي انبنى مهــــدود
ومثل ما سوّيت فيني والله لا سويه لــــــــك
ياما ذرفت الدمع انا ..ياما صبرت اتحملك
الين ما جفت دموعي واذبلت لــــــــــــورود
اتصدق إنّي كنت من كثر الغرام وحبـــي لك
حتى انا لفترة ..اذا دمعك على خدودك سلك
ابخوفي عا خدك بغيت آبادلك لخــــــــــدود
كنت اسألك في أي شي ..تافه.. غبي بس اسألك
عسى الاقي شيّْ يفرحنـي وسط لــــــــــردود
محدن وصل حبّي ابد محدن تعدّى عشقي لك
امك وهي امك انا عنها احبّـــــــــــــــك زود
ولي قلت بحيـــي بك غرامي شفته بأسبابك هلك
واصبح هواك افدنيــني أسر وعنا وقيــــــود
ولا..كل مالك حبل ودّي تشده وانا ارخيه لك
ملعون ابو حبل قضا نص العمر مشــــــــدود
تسأل اذا اني اشتقتلك..انا اللي ابغي اســــألك
ما تستحي تسأل عقب ما انهيتني ابصــــــدود
ياخي انته صاحي ولا هو غرورك بعده مخبلك
وانته بغرورك وانا تسجدلي المعاني.. سجود
من عقب حبي الاعمى لي مخليني كنت انقاد لك
ابشـــر ربيع القلب ناوي انه يقودك قــــــــود
تدري بغيت آقول شي و خايف اني ازعــــــلك
انته اذا عشره بغوك آنا بليّا حـــــــــــــــــدود
هي انته انته..وين رحت.. فكرك لوين اموصلك
لول انا مثلك وكل مابك جفا وبــــــــــــــرود
طيب ترا يا فلان طيب والله اللي كمــــــــّلك
صبرك لرّويك الجزا للي بدا بجحــــــــــــود
لتّظن هذا بس كلام ولاّنا ناوي ازلـــــــزلك
صدقني يعيوني تراني.. قدّها وقـــــــــــــــدود
وسلامتكم
هذي القصيده من كتابة الشاعر:
ربيع القلب
أنتمى انها تعجبكم
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة وإذا لم تكن فيمكنك تسجيل عضوية جديدة
مجانا ً (
من هنا )
لانحلل من يقتبس افكار الموقع وجميع مايكتب لا يمثل المدير العام ولايتحمل مايطرح من مواضيع وسلوكيات خاطئة كما نرجو منكم أعزائنا الإلتزام بالذوق العام وعدم استعمال ( عبارات الغزل والإعجاب ) وعدم ( تبادل الإيميلات وطلبها ) داخل المواضيع والتواقيع والملفات الشخصية حتى لا تتعرض العضوية للأيقاف
الإهداءات
01-23-2010, 12:59 PM
قدها وقدوود لربيع القلب
المواضيع المتشابهه
كونوا معي ....شاركووني ...فاليد الواحدة لاتصفق 
